Vətən müharibəsi ilə bağlı çoxseriyalı film çəkilir

İşğaldan azad edilən Azərbaycan ərazilərində mədəni irsin yenidən bərqərar olunmasında dövlətimiz tərəfindən sistemli tədbirlər həyata keçirilir.

Cumhuriyyet.az xəbər verir ki, bunu mədəniyyət naziri Anar Kərimov Şuşa Bəyannaməsinin birinci ildönümünə həsr olunan beynəlxalq konfransda deyib. Nazir bu prosesə qardaş Türkiyənin də dəstək göstərdiyini diqqətə çatdırıb.

Kino sahəsində Azərbaycanla Türkiyənin fəal əməkdaşlığa başladığını deyən nazir bildirib ki, Vətən müharibəsi ilə bağlı çoxseriyalı filmin çəkilişinə start verilib. Onun sözlərinə görə, filmin bu ilin sonuna tamamlanması nəzərdə tutulur.

Bundan əlavə, A.Kərimov iki ölkə arasında mədəniyyət sahəsində əməkdaşlığın bundan sonra da uğurla davam edəcəyini əminliklə ifadə edib.

Short URL: http://www.cumhuriyyet.net/?p=176804