Ərdoğan Bakıya gəlməyəcək – Gəncəni seçdi
11.02.2016 - 16:18
Türkiyə prezidenti Rəcəb Tayyib Ərdoğan fevralın 18-də Azərbaycana səfəri Gəncə şəhərindən başlayacaq.
Publika.az-ın diplomatik mənbədən əldə etdiyi məlumata görə, Türkiyə prezidentinin Bakıya səfəri gözlənilmir.
Səfər çərçivəsində R.T.Ərdoğan Gəncədə keçiriləcək Türkiyə-Azərbaycan Yüksək Səviyyəli Strateji Əməkdaşlıq Şurasının növbəti iclasında iştirak edəcək.
Əldə etdiyimiz digər məlumata görə, Rəcəb Tayyib Ərdoğan Azərbaycana 10-a yaxın nazir və ya yüksək vəzifəli şəxslə gələcək. Səfərin bir gün davam edəcəyi gözlənilir.
Xatırladaq ki, Türkiyə-Azərbaycan Yüksək Səviyyəli Strateji Əməkdaşlıq Şurasının son iclası 2015-ci il yanvarın 15-də Ankarada keçirilib.
Short URL: http://www.cumhuriyyet.net/?p=53244
