“Səhnəyə çıx, tamaşaçıları fəth et” – Tünzalədən kateqoriyalı müğənni açıqlaması
Xalq artisti Tünzalə Ağayeva “Fəlidən doğru xəbər” proqramının qonağı olub.
Musavat.com xəbər verir ki, Tunzalə “Müğənnilər özlərini kateqoriyalara bölürlər. Biri deyir, “A” kateqoriyalı müğənniyəm, konserti açacam.
O biri qayıdır ki, “B” kateqoriyayam, mən bağlayacam. Buna necə baxırsınız” sualına cavab verib:
“Çox pis, çıx işini gör, kateqoriyanı nə edirsən? Nə fərqi var? Sən səhnəyə çıx, tamaşaçını fəth et”.
Tünzalə xaricə konsertə gedəndə prodüserinə şərt qoymasından da danışıb. O, Fəlinin “Yalçın (prodüser Yalçın Cabbarov – red.) deyir ki, Tünzalə xaricdə olanda şərt kəsir ki, birinci oxumasam, səni işdən çıxaracam”,- sözlərinə,- “Düz deyir. İstəyirəm birinci oxuyum, çıxım şəhərdə gəzim”, -deyə cavab verib.
Short URL: http://www.cumhuriyyet.net/?p=161320