60 yaşlı kişiyə oxşayır, amma 8 yaşı var – DÜNYA ONDAN DANIŞIR
8 yaşlı suriyalı Məhmət Adəmin Abdülməcidin xəstəliyinə görə heç kim ona yaxın gəlmir.
AZXEBER.COM Türkiyə mətbuatına istinadən cəbər verir ki, “erkən yaşlanma” xəstəliyindən əziyyət çəkən Abdülməcidin həyat dramı ürəkləri ağradır.
Suriyadakı vətəndaş müharibəsi başlayandan sonra ailəsi ilə birlikdə Türkiyənin Batman vilayətinə köç edən Abdülməcid 5 nəfərlik ailənin ən böyük övladıdır. Xəstəliyinə görə 60 yaşlı insana oxşayan azyaşlının 20 kq çəkisi var. Yaşlı insanlar kimi o da uzun məsafəli yol gedərkən tənginəfəs olduğunu söyləyir.
“Uşaqlar mənimlə oynamır”
Batmanın Şirin məhəlləsində yaşayan Abdülməcid həmyaşıdlarının onu görən kimi ondan uzaqlaşdıqlarını söyləyir: “Onlar məni görən kimi qaçır, mənimlə oynamaq istəmirlər”.
8 yaşlı azyaşlının anası onu Suriyada yaşayanda da həkimə apardığını, amma bunun heç bir nəticəsi olmadığını deyir: “Tez-tez həkimə aparırdıq. Müalicələr edilirdi. Amma bunun heç bir nəticəsi olmadı”.
Abdülməcid bütün imkanları şəxslərdən ona yardım etmələrini xahiş edib.
Short URL: http://www.cumhuriyyet.net/?p=64882
