PSJ-dən növbəti fantastik təklif

Fransanın PSJ klubu daha bir transfer gerçəkləşdirməyə çalışır. Apasport.az saytının məlumatına görə, braziliyalı Neymarı “Barselona”dan 220 milyon avroya transfer edən parislilər indi də Killian Mbappeyə elçi düşüb.
Paytaxt klubu 18 yaşlı hücumçu üçün fantastik təklif də hazırlayıb. Belə ki, PSJ gənc oyunçunun məxsus olduğu “Monako”ya 180 milyon avro ödəməyə hazırdı.
Bir sıra nəhəng klubların diqqət mərkəzində olan Mbappenin keçidi baş tutsa, Fransa klubu ön xətdə möhtəşəm “üçlüy”ə malik olacaq. Edinson Kavani və Neymar cütlüyünə qoşula biləcək Killian hücum xəttini daha da gücləndirəcək.
Qeyd edək ki, Mbappe ötən mövsüm “Monako”da keçirdiyi 44 matçda 26 qol vurub.

Short URL: http://www.cumhuriyyet.net/?p=97746