Ağcabədidə özünü kanala atmaq istəyən şəxs xilas edilib
Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, 1 nəfər intihar etmək məqsədi ilə özünü Yuxarı Qarabağ kanalının Ağcabədi rayonundan keçən hissəsinə atmaq istəyib.
APA-nın nazirliyn saytına istinadən verdiyi xəbərə görə, dərhal Fövqəladə Hallar Nazirliyinin Qarabağ Regional Mərkəzin müvafiq xilasetmə qüvvələri hadisə yerinə cəlb olunub. Xilasedicilər hüquq-mühafizə orqanlarının əməkdaşları ilə birlikdə intahara cəhdin qarşısını alıblar.
Şəkidə isə 56 yaşlı kişi intihar edib.
Hüquq-mühafizə orqanlarından APA-nın Şəki-Zaqatala bürosunun verilən məlumata görə, iyulun 22-də saat 20:30 radələrində rayonun Aşağı Küngüt kəndində kənd sakini, 1960-cı il təvəllüdlü Ağasər Şəfaqət oğlu Mustafayevin meyiti yaşadığı evin həyətyanı sahəsindəki ağacdan asılı vəziyyətdə tapılıb.
Onun intiharının səbəbi hələlik məlium deyil. Faktla bağlı Şəki rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.
Short URL: http://www.cumhuriyyet.net/?p=70911
