Rus idmançılar Rio-2016-dan uzaqlaşdırıldı, Moskvadan təhqir gəldi

Rusiyalı paralimpiyaçılar Rio-2016 olimpiadasından uzaqlaşdırılıblar. Axar.az xəbər verir ki, bu barədə Beynəlxalq Paralimpiya Komitəsinin prezidenti Filip Kreyven məlumat verib.
“Biz Rusiya tərəfini dinlədik, amma onlar heç nəyə sübut gətirə bilmədilər. Biz müvəqqəti olaraq Rusiyanı Paralimpiya Komitəsinin üzvlüyündən xaric etdik və Rusiya yığmasını bu oyunlardan kənarlaşdırdıq”, – Krevyen mətbuat konfransında deyib.
“Beynəlxalq Paralimpiya Komitəsinin Rusiya yığmasını Paralimpiya-2016-dan xaric etməsi alçaq addımdır” – bunu Rusiya İctimai Palatasnın katibi Aleksandr Breçalov deyib. “Bu, çox alçaq addımdır. “Absurd qərarlar teatrı”nın rus idmanına qarşı aktı davam edir”, – Breçalov bildirib.

Short URL: http://www.cumhuriyyet.net/?p=72543