Rusiyadan Ermənistan-Türkiyə danışıqlarına reaksiya

Rusiya Ermənistan və Türkiyə arasında yanvarın 14-də Rusiya Federasiyasının vasitəçiliyi ilə Moskvada başlanmış münasibətlərin normallaşması prosesini daim dəstəkləyir.

Cumhuriyyet.az xəbər verir ki, bunu həftəlik brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Biz Ermənistan-Türkiyə dialoquna bundan sonra da hər cür kömək etməyə hazırıq. Biz ondan çıxış edirik ki, bu, regionun maraqlarına, sabitliyinə və iqtisadi rifahına uyğundur”.

Zaxarova xatırladıb ki, Rusiya təkcə 2022-ci ildə İrəvanla Ankara arasında münasibətlərin normallaşmasına töhfə verməyib, prosesi daim dəstəkləyib.

Short URL: http://www.cumhuriyyet.net/?p=178453