1 il keçdi: Rusiyanın Suriya müdaxiləsi nəyi dəyişdi?
Rusiyanın Suriyada apardığı hərbi əməliyyatların ən önəmli nəticəsi terrorçu qrupların paytaxt Dəməşqi ələ keçirə bilməməsi olub.
Bunu Kreml sözcüsü Dmitri Peskov jurnalistlərə açıqlamasında deyib.
“Əməliyyatların nəticəsi barədə hərbi mütəxəssislər danışacaq, amma hər halda İŞİD, Əl Qaidə, Nüsrə Cəbhəsi kimi terrorçu təşkilatlar Dəməşqdə deyilsə, bu bizim uğurumuzdur.
Ali Baş Komandan Vladimir Putin əməliyyatların başlanması ilə bağlı göstəriş verəndə bunun nə qədər davam edəcəyi barədə məlumat verməmişdi. O, əsas məqsədimizin terrorçulara qarşı mübarizə olduğunu deyib. Bu gün də terrorçu qruplar Suriyada qalmaqdadır”.
Xatırladaq ki, 30 sentyabr 2015-ci ildə Rusiya rəsmi Dəməşqin müraciətindən sonra Suriyada terrorçulara qarşı aktiv hərbi əməliyyatlara başlayıb. Londonda fəaliyyət göstərən Suriya İnsan Haqları Təşkilatı son 1 il ərzində Rusiya hava hücumları nəticəsində 9364 mülki vətəndaşın həlak olduğunu açıqlayıb.
Short URL: http://www.cumhuriyyet.net/?p=77500