“3+3” formatında növbəti görüşə qərar verilib
“Azərbaycan “3+3” əməkdaşlıq platformasını dəstəkləyir. Artıq “3+3″ formatı üzrə ilk iclas keçirilib”.
Modern.az xəbər verir ki, bunu Antalya Diplomatiya Forumunda Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət HacıyevKİV nümayəndələrinə açıqlamasında bildirib.
H.Hacıyev qeyd edib ki, region ölkələri olaraq ilk növbədə problemləri özümüz həll etməliyik:
“Əməkdaşlıq üçün olan böyük potensialı bir araya gətirməliyik. Buna Azərbaycan-Türkiyə-İran arasında son nəqliyyat anlaşmasını misal göstərmək olar. Bu, bizim regionumuzla bərabər digər regionlara, o cümlədən Mərkəzi Asiyaya böyük fürsətlər təqdim edir. Ona görə də bu platforma çərçivəsində böyük əməkdaşlıq üçün fürsətlər və imkanlar var. Amma hazırda başqa bölgələrdə müəyyən problemlər olduğuna görə biz diplomatik kanallarla əlavə təkliflər gözləyirik ki, “3+3” formatında növbəti görüşümüz necə ola bilər. Türkiyədə “3+3” formatının növbəti görüşü barədə qərar verilib, sadəcə olaraq diplomatik kanallarla onun dəqiqləşdirilməsinə ehtiyac var”.
Short URL: http://www.cumhuriyyet.net/?p=171695