Paşinyan ata evinə getdi – Baş naziri qınadılar
Ermənistanın baş nazir Nikol Paşinyanın dünən axşam saatlarında doğulduğu İcevan şəhərinə getdiyi barədə məlumat yayılıb.
Modern.az “Hraparak”a istinadən xəbər verir ki, onunla İcevana yalnız qızı Şuşan Paşinyan gedib, ailənin digər üzvləri baş nazirin yanında olmayıb.
Qəzet yazıb ki, Ermənistan və Qarabağda gərginliyin yaşandığı zamanda belə, baş nazir həyatdan həzz almağı xoşlayır. Ermənistan KİV-ləri gəzməyindən qalmayan Nikol Paşinyanın sosial şəbəkələrdə qınandığını yazıb.
Qeyd edilir ki, hazırda Paşinyanın İcevandakı evində heç kim yaşamır. Onun ögey anası Yercanik ərinin ölümündən sonra aylar əvvəl Rusiyaya gedib.
Polis Nikol Paşinyanın ata evini daim gözləmədə saxlayır. Paşinyanın dünən İcevan səfərini polis maşınları müşayiət edib.
Short URL: http://www.cumhuriyyet.net/?p=172737
