Ağstafada daha bir Şəhidin doğum günü qeyd olundu
Ağstafada torpaqlarımızın işğaldan azad edilməsi uğrunda gedən Vətən müharibəsində qəhrəmancasına döyüşərək şəhidlik zirvəsinə ucalan şəhidlərimizin doğum və anım günlərində onların ailələrinin, məzarlarının ziyarət olunması artıq ənənə halını alıb. Ənənənin davamı olaraq ikinci Qarabağ müharibəsi şəhidi Taleh Namazovun doğum günü qeyd olunub.
Mediaxeberleri.Az xəbər verir ki, ilk öncə Ağstafa şəhərində şəhidimizin xatirəsinə ucaldılmış abidəsinin açılış mərasimi keçirilib.
Daha sonra şəhidin Düzqışlaq kənd qəbirstanlığında məzarı ziyarət olunub, məzarı önünə gül dəstələri düzülüb.
Tədbirdə şəhid ailələri, Gənclərin İnkişaf və Karyera Mərkəzinin Ağstafa nümayəndəliyinin əməkdaşları, Ağstafa rayon ictimaiyyətinin nümayəndələri və Ağstafa gəncləri iştirak ediblər.
Allahdan şəhidlərimizə rəhmət, doğmalarına səbir diləyirik.
Short URL: http://www.cumhuriyyet.net/?p=179791
