“Hafka” planını həyata keçirməyə başladı

13.01.2014 - 20:07

Yanvarın 13-dən Bakıda avtobuslarda da gediş haqlarının kartla
ödənişinə başlanıb. Nəqliyyat Nazirliyinin mətbuat katibi Namiq Həsənov
Azadlıq Radiosuna bildirib ki, hazırda kartlar 10 və 95 saylı
marşrutlarda tətbiq olunur: “İlkin mərhələdə iki marşrut üzrə -10 və 95
saylı avtobuslar seçilib. Amma fevralın axırınadək 36 marşrut kart
sisteminə keçəcək. Bu da təxminən 650 avtobus deməkdir”.
Namiq Həsənovun dediyinə görə, kartın qiyməti 3 manatdır, ondan 2 manatı
sığorta depozitidir, 1 manat balansa yüklənir: “1 milyona yaxın kart
sifariş verilib. Kartlar Bakıda fəaliyyət göstərən 80 köşkdə satılır”.
“MasterCard” bazasında hazırlanan bu kartları “Bank of Azerbaijan” buraxıb.

Namiq Həsənov təxminən 450 min kartın hazırlandığını bildirir.
Kartları Bakıda fəaliyyət göstərən köşklərdən, eləcə də “Bank of
Azerbaijan”ın filiallarından əldə etmək olar.
Kartın balansını köşklərdə, eləcə də xüsusi loqotipli satış nöqtələrində artırmaq mümkündür.
Mətbuat katibinin sözlərinə görə, artıq 1000 avtobusda ayrıca qurğular quraşdırılıb.

Qeyd edək ki, pytaxtın nəqliyyat sektoruna nəzarət qeyri-rəsmi olaraq
“Baghlan Group” şirkətinin və “Bakı” futbul klubunun sahibi, “Hafka”
kimi tanınan Hafiz Məmmədova verilib. Bir müddət əvvəl Ziya Məmmədovun
ailəsinə məxsus “Bank of Azerbaijan” da “Hafka”ya dövr edilib. Bu haqda
“AzPolitika.info”-da məlumat verilib. Paytaxtda kart sisteminə keçidin
əsas səbəbi isə ictimai nəqliyyatdan daxil olan vəsaitlərin
mərkəzləşdirilmiş qaydada toplanmasıdır. Yəqin ki, bundan sonra bu
sahədə çalışan iş adamları Hafiz Məmmədovun onlara ayırdığı pulla
kifayətlənməli olacaqlar.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=3361

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
May 2021
BE ÇA Ç CA C Ş B
 12
3456789
10111213141516
17181920212223
24252627282930
31