Arif Əsgərovun idarəsində şok qanunsuzluq

06.02.2014 - 22:54

Arif Əsgərovun idarəsində şok qanunsuzluqADY QSC-də maliyyə şöbəsi rəisinin imzası saxtalaşdırılıbArif Əsgərovun idarəsində şok qanunsuzluqADY QSC-də maliyyə şöbəsi rəisinin imzası saxtalaşdırılıb
 Ölkə mətbuatında gedən yazılardan məlum olduğu kimi Azərbaycan Dəmir Yolları Qapalı Səhmdar Cəmiyyətində ( ADY QSC ) baş verən maliyyə maxinasiyaları və digər qanunsuzluqlar səngimək bilmir. Çox maraqlıdır ki, loru dildə desək, “daşdan keçən” bu faktlara müvafiq dövlət orqanları tərəfindən lazımi reaksiya hiss olunmur. Ancaq bütün bunlara baxmayaraq qafqaznews.az saytı öz araşdırmalarını aparıb cəmiyyətə təqdim eləməkdən yorulub-usanan deyilik. Yəqin ki, bir gün müvafiq orqanlar bu biabırçılıqlar barədə gərəkən ölçü götürərlər. 
 Beləliklə, əlimizdə olan rəsmi sənədləri təqdim eləməkdən öncə, ümumiyyətlə, ADY-nin yaxın keçmişinə, daha dəqiq desək il yarım əvvələ bir ekskurs eləmək istəyirik. İndi yazacaqlarımız hamısı rəsmi sənədlərə söykənir. Beləliklə 15 avqust 2012-ci il tarixdə Biləcəri deposunun maşinisti Xudayar Orucov ADY QSC-nin sədri Arif Əskərova və Biləcəri Lokomotiv Deposunun rəisi Tofiq Nəsibova şikayət ərizəsi ünvanlayıb. Ərizədə bildirilir ki, Deponun maşinist-təlimatçısı qeyri- qanuni olaraq marşrut vərəqələrinin yazılması və əsassız olaraq təmirdə dayanan lokomotivlərə marşrut vərəqəsi yazaraq qanunsuz ödənişlərlə əlaqədar araşdırmanın aparılmasını xahiş etmişdir. 
Sonra ərizəçi Orucov Xudayar İbad oğlunun iştirakı ilə deponun hüquqşunası Muradov Əli Kərəm oğlunun və depo istismar sexin HK-nin sədri Zeynalova Ruqiya Kamran qızının tərəfindən 17 avqust 2012-ci il tarixdə deponun istismar sexinin texniki Spasibuxova Tatyananın tabeliyində olan ADY QSC-nin 27 yanvar 2011-ci il tarixli 166-saylı təsdiq edilmiş TU-1 formalı jurnalında yoxlama apararaq həqiqətən maşinist-təlimatçıları M.Y. Abdullayev 4 marşrut vərəqəsi, Y.H.Həsrətov 1 marşrut vərəqəsi, R.Q.İsmaylov 14 marşrut vərəqəsi, A.N. Məmmədovun isə 6 marşrut vərəqəsi əsassız yazıldığı aşkar edilib müvafiq akt tərtib edilmişdir.
Araşdırmanın nəticəsi olaraq qərara alınıb ki, maşinist-təlimatçıları M.Y. Abdullayevin, R.Q.İsmaylovun, A.N.Məmmədovun və Y.H.Həsrətovun izahatlarını, AR NK-in 24 iyun 2011-ci il tarixli 102 saylı intizam nizamnaməsini, AR ƏM-nin 205-ci və 186-cı maddələrini rəhbər tutaraq, maşinist-təlimatçıları M.Y.Abdullayevə 4 marşrut üzrə hesablanmış 270.92 azn., R.Q. İsmaylova 14 marşrut üzrə hesablanmış 1239.61 azn., A.N.Məmmədova 6 marşrut üzrə hesablanmış 521.61 azn. və Y.H.Həsrətov 1 marşrut üzrə hasablanmış 29.59 azn. məbləğində vəsait , cəmi 2061.73 azn onlardan hissə-hissə tutulsun. Qərarı uzun-uzadı dərc eləmədən münasibətimizi bildirmək istəyirik. 
Söhbət səhlənkarlıqdan, yaxud əmək intizamının pozulmasından deyil, dəyəri yüz minlərlə, milyonlarla ölçülən maxinasiyalardan gedir. Belə olan halda Nazirlər Kabinetinin İntizam Nizamnaməsinə əsaslanmaq hansı məntiqə söykənir? Bu çox gülüncdür. Görəsən, ADY QSC rəhbərliyinin bu “humanistliyi” nəyə əsaslanır? İcazə verin şübhələnək ki, bu maxinasiyaların bir ucu düz rəhbərliyə gedib çıxır. Yoxsa belə “insansevərliyi” necə izah eləmək olar? Ortada konkret olaraq cinayət hadisəsi var. Görəsən, DY QSC-nin rəhbərliyi bu faktı niyə hüquq-mühafizə orqanlarından gizlədir?
Bütün bunlar azmış kimi istismar üzrə deponun rəis müavini Şirin Yaqubəliyevin məzuniyyətdə olması səbəbindən onunla bağlı məsələ məznuniyyətdən sonraya saxlanılıb. Belə anarxiya harada görünə bilər? Ancaq Arif Əsgərovun rəhbərlik elədiyi ADY QSC-də…
Arif Əsgərov, ya da onun təyin etdiyi təşkilat rəhbərləri tərəfindən belə yüngül cəzaların ( əslində cəzasızlığın ) verilməsi DY-da adi hala çevrilib. Çünki, bunlar özləri həmən cinayəti törədənlərin yanında gözü kölgəlidirlər. Misal üçün, bir neçə dəfə stansiyalarda kassirlər tərəfindən mənimsənilən pullar Arif Əsgərov tərəfindən araşdırılaraq “kosmetik cəza” tədbiri görülüb. Hətta vaxtı ilə DY QSC-nin maliyyə xidmətinin qəlirlər şöbəsinin rəisi vəzifəsində işləyən Nəriman Məmmədovun ( Ziya Məmmədovun qardaşı ) imzasını saxtalaşdıraraq Duvannı stansiyasında külli miqdarda maxinasiyalar edilib. Ancaq bütün bu qanunsuzluqlar barədə Arif Əsgərov hüquq-mühafizə orqanlarına məlumat verməyib. Yenə sual doğur: niyə verməyib? 
Suallar çoxdur. Məsələn, Biləcəri deposu ilə bağlı yuxarıda qeyd elədiyimiz qərardan göründü ki, deponun rəis müavini Şirin Yaqubəlyev məzuniyyətdə olduğu üçün onun “istirahətini” pozmayıblar… Əslində Şirin Yaqubəliyev həmin vaxt məzuniyyətdə olmayıb. Sadəcə, rəis müavinini köhnə tarixlə “otpuska”ya göndəriblər ki, cəzadan kənarda qalsın. Çünki, rəis müavini Tofiq Mansurovun bacısı oğludur. Əcəba, Tofiq Mansurov kimdir? 
Tofiq Mansurov uzun illərdi “Kaspar”ın ( Xəzər Dəniz Gəmiçilik İdarəsi) maliyyə xidmətinin rəisi vəzifəsində işləyir. Bu vəzifədən əvvəl Nazirlər Kabinetində və ondan da əvvəl ADY-də iqtisadi məsələlər üzrə rəis müavini, lap əvvəl isə ADY-də maliyyə xidmətinin rəisi vəzifəsində çalışıb. Bir sözlə, indiki rəis Arif Əsgərov dəmir yolunda ilk gözlərini açanda Tofiq Mansurovu görüb.
Elə bundan da Tofiq Mansurov və onun bacısı oğlu Şirin Yaqubəliyev istifadə edərək Şirinin cəzalanmamasını Arif Əsgərovdan xahiş edib. Beləcə cəzasızlıq dairəsi qapanıb.Tofiq Mansurov uzun illər nəqliyyat sistemində çalışdığına görə böyük nüfuza malik olan insandır. Amma oğlu Emin Mansurov dələduzluqla həbs olunandan sonra Tofiq Mansurova bu hadisə bir ata kimi çox pis təsir edib. Ancaq buna baxmayaraq bu gün də dəmir yol sistemində Şirin və Vidadi Yaqubəliyev qardaşları dayılarının adından gen-bol istifadə edir. Arif Əsəgərov isə köhnə rəisinin bacısı uşaqlarına söz deyə bilmir. 
Yenə sual doğur: bəs, ortada bu qədər faktlar olduğu halda Korrupsiyaya qarşı Mübarizə İdarəsi hara baxır?
Bu barədə növbəti yazımızda bəhs edəcəyik. Bizi izləyin… 

Tamerlan Zeynallı
 

Arif Əsgərovun idarəsində şok qanunsuzluq

Arif Əsgərovun idarəsində şok qanunsuzluq

Arif Əsgərovun idarəsində şok qanunsuzluq

Arif Əsgərovun idarəsində şok qanunsuzluq

Arif Əsgərovun idarəsində şok qanunsuzluq

Arif Əsgərovun idarəsində şok qanunsuzluq

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=3968

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Aprel 2024
BE ÇA Ç CA C Ş B
1234567
891011121314
15161718192021
22232425262728
2930