Göyçay DYP-də korrupsiya
06.04.2014 - 15:09
Son dövrlər Dövlət Yol Polisində korrupsiya və rüşvətxorluq halları artıq pik həddə çatıb.Ölkə rəhbəri İlham Əliyev dəfələrlə televiziya ekranları vasitəsiylə Dövlət Yol Polisi əməkdaşlarının korrupsiya və rüşvətxorluğa son qoyulmasını sərt şəkildə bildirmiş,general Ramiz Zeynalova baş verən neqativ halların aradan qaldırılması istiqamətində ciddi tədbirlər görülməsinin vacibliyini vurğulamışdır. Əyani sübutdur ki, istər paytaxt Bakıda, istərsə də , respublikanın bölgələrində DYP əməkdaşlarının özbaşınalıqları, korrupsiya və rüşvətxorluqla məşğul olmaları, vətəndaşları süründürməçiliyə vadar etmələri nəinki, ölkə vətəndaşlarına hətta yuxarı instansiyalara da məlumdur.Neqativ halların, yəni rüşvətxorluq və korrupsiya hallarının, hətta polis özbaşınalıqlarının geniş şəkildə baş verməsi Göyçay rayonuna şamil olunur.Redaksiyamıza Əfqan Aslan oğlu Orucov müraciət edərək bildirmişdir ki, Göyçay rayon DYPB rəisi Elman Əliyev, ondan 400 manat rüşvət tələb etmişdir.Əgər qeyd olunan məbləği ödəmədiyi təqdirdə DYP-nin rəisi onu məhkəməyə verəcəyini və sürücülük hüququndan məhrum edəcəyini bildirmişdir.Vətəndaşla DYP rəisi arasında pul mübahisəsi yaranmış, yəni Əfqan Orucov DYP rəisinə bildirmişdir ki , mənim 400 manata yox, 300 manata gücüm çatır. Bu zaman DYP rəisi vətəndaşın üstünə qışqıraraq onun otaqdan dərhal çıxmasını tələb etmiş, maşının sənədlərini məhkəməyə yollayacağını dilə gətirmişdir.Ətraflı aşağıdakı videodan izləyə bilərsiniz:
Short URL: http://www.cumhuriyyet.net/?p=5654
