Zərdüşt Əlizadə: “İran Azərbaycana viza rejiminin tamamilə ləğv olunması üçün təklif etmişdi”
Ötən gün Tehranda Nazirlər Kabinetinin iclasında Ermənistanla İran arasında viza rejiminin ləğvi ilə bağlı razılaşma təsdiqlənib. Sənədə əsasən, İran və Ermənistan vətəndaşları viza olmadan 180 gün ərzində 90 gün digər ölkənin ərazisində qala bilərlər. Bəs Azərbaycanla viza rejimi niyə ləğv olunmur?
Mövzu ilə bağlı “Qaynarinfo.Az”a danışan politoloq Zərdüşt Əlizadə bildirib ki, İran Azərbaycan vətəndaşlarına vizanı ləğv edib:”Azərbaycan vətəndaşı viza almadan xarici pasportu göstərməklə İran sərhədini keçə bilər. İran Azərbaycana viza rejiminin tamamilə ləğv olunması üçün təklif etmişdi. İran vətəndaşları Azərbaycana gəlmək üçün viza almağa pul ödəyir. İran dəfələrlə bildirib ki, bizim vətəndaşlar Azərbaycana getmək istəyir, sizdə də turist sayı arta bilər, bizdən təhlükə gəlməz, lakin Azərbaycan tərəfi viza rejmini ləğv etməyib”.
Zərdüşt Əlizadə
Politoloq bildirib ki, Türkiyə ilə də viza rejimi həmin qaydadır:”Türkiyə bizdən viza tələb etmir, lakin biz türklərdən viza tələb edirik. İranın Ermənistanla viza rejmini ləğv etməsi və sıx münasibətini sadəcə yaxşı qonşu münasibətləri kimi qiymətləndirmək olar. Bütün dövlətlər öz qonşuları ilə yaxşı münasibət qurmağa çalışır. İran təkcə Ermənistanla deyil, Türkiyə Azərbaycan, Pakistan və digər qonşu dövlətlərlə də münasibəti yaxşı saxlamağa çalışır.
Short URL: http://www.cumhuriyyet.net/?p=69516
