Emin Əmrullayev müəllimlərə təşəkkür etdi
Elm və təhsil naziri Emin Əmrullayev sertifikatlaşdırma imtahanında iştirak edən müəllimlərə təşəkkür edib.
Cumhuriyyet.az xəbər verir ki, nazir bununla bağlı videomüraciət ünvanlayıb.
O, son 3 gün ərzində ibtidai sinif müəllimlərinin Azərbaycanın təhsil tarixində ilk dəfə sertifikatlaşdırma imtahanlarına cəlb edildiyini söyləyib:
“Sevindirici hal ondan ibarətdir ki, imtahana dəvət edilmiş müəllimlərin 97 faizindən çoxu bu imtahanlarda iştirak etdi. İmtahanlarda uğur qazanmış müəllimlər inanıram ki, müsahibə mərhələsində də uğur qazanaraq sentyabr ayından başlayaraq öz əmək haqlarında cənab Prezidentin müvafiq Fərmanına uyğun olaraq əlavələri almağa başlayacaqlar. Bu əlavələr müsahibə mərhələsini qazandıqdan sonra növbəti 5 il ərzində hər ay nəticələrdən asılı olaraq 10 və 35 faiz təşkil edəcək”.
Short URL: http://www.cumhuriyyet.net/?p=181311
