ANS-in siyasi namərdliyi:bir süjet aranı qatdı

“Yeni Müsavat” qəzetinin baş redaktoru Rauf Arifoğlu ilə üzv olduğu Müsavat partiyası arasında narazılıq yaşanıb. Müsavat başqanının müavini Osman
Kazımovun  sosial şəbəkədə “”Yeni Müsavat”la  AXCP arasında baş
verənlərin Müsavat partiyasına aidiyyatı yoxdur ” deməsi baş redaktorun
etirazına səbəb olub. Uzun illər boyu Müsavat partiyasını müdafiə edən
“Yeni Müsavat” qəzetinin baş redaktorunun facebookı statusunu məlum videosüjetlə birgə diqqətinizə çatdırırıq: “ANS mənə növbəti pisliyini, özünün növbəti namərdliyini yapdı. İki
gün yalvar-yaxış, müsahibə aldılar. Sonra da bir qəzetə qarşı bir
partiya liderinin mənəvi terror kampaniyasını AXCP-Müsavat davası kimi
qələmə verdilər. Müsahibə götürdükləri Yeni Müsavatın baş redaktoru,
çəkdikləri qəzet və jurnalistlər, lakin təqdimat partiya davası… 

Bunca absurd olarmı? Danışdığımın da 95 faizi kəsildi, əvəzində ƏIi
Kərimlinin Müsavat üzrə müavini Fuad Qəhrəmanlıya söydürdülər bizi…
Bəzi Müsavat üzvləri də, hətta rəhbərliyə aid olanlar, Feysdə
kürəyimizdən xəncərləməkdə. Həm də artıq neçənci dəfə. Böyük Yurdçu
Osman Kazımov Əli Kərimliyə diferambalar oxuyur. Bir başqası bizi körpü
adlandırır…

AXCP ilə müttəfiqmişlər, xəbərimiz yox! Tamam qardaşlar, inşallah,
gələn həftə qəzetdə çalışan müsavatçılar olaraq bu partiyada
qalıb-qalmamaq məsələsini müzakirə edərik. Rahat olun. Müsavat
rəhbərliyi bizi Əli Kərimli ilə öz aralarında hesab edirlərsə, biz
çəkilərik…”