Əliyevlər lobbi axtarışında
Azərbaycan hakimiyyəti xaricdə lobbi axtarışına çıxıb. Bu barədə
redaksiyamıza hakimiyyətdəki mənbə məlumat verib. Mənbə bildirib ki,
indi hakimiyyətin lobbi təşkilatlarına daha çox ehtiyacı var. Çünki
Azərbaycan geosiyasi oyunların episentrindədir və hakimiyyətin vəziyyəti
o qədər də ürəkaçan deyil.
Bir tərəfdən Rusiya təhlükəsi, digər
tərəfdən isə Qərbin demokratik çağırışları iqtidarı dalana dirəyib.
Mənbənin sözlərinə görə, Azərbaycan hakimiyyəti əvvəllər nurçuların,
daha dəqiqi gülənçilərin lobbi fəaliyyətindən yararlanıb: “Nurçuların
Qərbdə ciddi əlaqələri var. Hakimiyyət də çətin vəziyyətlərdə onların
yardımından istifadə edirdi. Ölkədə nurçulara geniş imkanları
yaradılması da bunun müqabilində edilirdi. Lakin Ərdoğan hökumətinin
Fətullah Gülənlə münasibətlərinin pozulması, Azərbaycan hakimiyyətinin
də bu prosesə cəlb olunmasına səbəb oldu. Nəticədə Ərdoğanın tələbilə
Azərbaycanda nurçulara qarşı təzyiqlər başladı. Onların hökumətdəki
adamları “vuruldu”, ən yaxşı halda dişsiz vəziyyətə salındı. Lakin
Ərdoğan bununla kifayətlənmədi. Azərbaycan hökumətindən nurçu
məktəblərin bağlanması tələb edildi. Iqtidarın da bu tələbi yerinə
yetirməkdən başqa çarəsi qalmadı. Nurçu məktəblərinin bağlanması isə
Azərbaycan hakimiyyəti ilə bu şəbəkənin münasibətlərinə sarsıdıcı zərbə
vurdu. Hakimiyyət faktiki olaraq xaricdə nurçuların yardımından məhrum
oldu. Bu baxımdan indi yeni şəbəkələrlə, lobbi təşkilatlarla əlaqələr
qurulmasına cəhd edilir, bu işdə onlara yardımçı ola biləcək simalar
axtarılır. Lakin hələki axtarışların nəticə verməyib”.
Ruhin Şərifov
Short URL: http://www.cumhuriyyet.net/?p=9342