Tacikistan hərbçiləri Qırğızıstanın yaşayış binalarına atəş açdı

Tacikistan hərbçiləri Arka kəndində Qırğızıstan vətəndaşlarının yaşayış evlərinə atəş açıblar.

Moderator.az xəbər verir ki, bu barədə “RİA Novosti”yə Qırğızıstan Sərhəd Xidmətinin mətbuat mərkəzindən məlumat verilib.

Məlumata görə, Qırğızıstanın sərhəd bölmələri müdafiə mövqeləri tutub.

“RİA Novosti”yə Tacikistandan bu vəziyyətlə bağlı hələlik bir açıqlama verilməyib.

Xatırladq ki, aprelin 29-da Qırğızıstan və Tacikistanın sərhəd bölgələrinin yerli sakinləri arasındakı qarşıdurma iki ölkənin hərbçiləri arasında silahlı qarşıdurmaya çevrilib. Qırğızıstan və Tacikistan sərhədçiləri arasında toqquşmalar altı saatdan çox davam edib. Hər iki tərəfdən təxminən 40 nəfər ölüb, 200-dən çox insan yaralanıb.

Aprelin 29-da tərəflər atəşkəs və qüvvələrin sərhəddən çıxarılması barədə razılığa gəliblər.