Putin tapşırıq verdi: “Bu, strateji vəzifədir”
Rusiya enerji daşıyıcılarının Qərb ölkələrinə ixracı getdikcə azalacaq. Bunun üçün enerji daşıyıcılarının satışını digər bazarlara yönəltmək lazımdır.
Cumhuriyyet.az xəbər verir ki, bu barədə Rusiya Prezidenti Vladimir Putin bildirib.
Onun sözlərinə görə, enerji ixracı Cənubda və Şərqdə sürətlə inkişaf edən bazalara yönəlməlidir.
“Bunun üçün yaxın vaxtlarda əsas infrastruktur obyektlərini müəyyən etmək və onların inşasına başlamaq lazımdır”, – deyə Rusiya lideri vurğulayıb.
Putin, həmçinin Rusiya valyuta bazarını milli valyuta ilə hesablaşmalara hazırlamağı tapşırıb. Onun sözlərinə görə, bu, strateji vəzifədir.
Qeyd edək ki, bu gün Rusiya Prezidenti Vladimir Putin neft-qaz sektorundakı vəziyyətlə bağlı müşavirə keçirib.
Short URL: https://www.cumhuriyyet.net/?p=173589
