ARDNF-in qızıl ehtiyatları 100 tonu ötüb
25.10.2019 - 16:36
Azərbaycan Respublikası Dövlət Neft Fondu (ARDNF) bu ilin yanvar-sentyabr aylarında 49,71 ton qızıl alıb. Bu ilin üçüncü rübündə isə Fond tərəfindən alınan qızılın həcmi 5,19 ton olub.
“APA-Economics”in ARDNF-in 2019-cu ilin 9 ayının yekunlarına dair hesabatına istinadən verdiyi məlumata görə, sentyabrın 30-na Fondun investisiya portfelində qızılın ümumi həcmi 100,66 ton olub.
Qeyd edək ki, 2018-ci ilin sonuna olan məlumata görə, ARDNF-in investisiya portfelində qızılın ümumi həcmi 50,95 ton təşkil edib.
Hazırda Fondun investisiya portfelində qızıl investisiyalarının çəkisi 11,4%-dir.
Short URL: https://www.cumhuriyyet.net/?p=135327
