Bələdiyyə sədri 3 min manat CƏRİMƏLƏNDİ
12.05.2022 - 17:15
Beyləqan rayonu, Birinci Şahsevən kəndi yaxınlığında tullantıların qalaqlanması ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb.
Bu barədə Cumhuriyyet.az-a Xidmət rəsmisi Bəhruz Məhəmmədov məlumat verib.
O bildirib ki, faktla bağlı Birinci Şahsevən bələdiyyəsinin sədri Azad Məmmədov barəsində protokol tərtib edilib və o, vəzifəli şəxs qismində 3000 manat məbləğində cərimə olunub:
“Ərazinin tullantılardan təmizlənməsi və gələcəkdə belə hallara yol verilməməsi məqsədilə bələdiyyə sədrinə məcburi göstəriş verilib”.
Short URL: https://www.cumhuriyyet.net/?p=174871
