Rusiyada bu şəhər təxliyyə olunur
Rusiyada, Tümen vilayətinin İşim şəhərinin sakinlərinin təcili təxliyəsi başlayıb. “AzPolitika” xəbər verir ki, əhalinin köçürülməsi İşim çayında suyun səviyyəsinin kritik dərəcədə artması ilə bağlıdır.
Bu barədə Rusiyanın “Mash” kanalı Rusiya Federasiyası Fövqəladə Hallar Nazirliyinə istinadla məlumat yayıb: “İşim çayında suyun səviyyəsinin kəskin artması ilə əlaqədar Fövqəladə Hallar Nazirliyi sizdən xahiş edir ki, təcili olaraq evlərinizi tərk edərək təhlükəsiz ərazilərə çıxasınız”.
Qeyd olunur ki, İşim şəhəri eyniadlı çayın sol sahilində yerləşir və orada 70 minə yaxın əhali yaşayır.
Xatırladaq ki, aprelin 5-də Rusiyanın Orenburq vilayətinin Orsk şəhərində bənd uçub. Nəticədə şəhər və ətraf kəndləri su basıb, əhalinin təxliyyəsinə başlanılıb. Yerli hakimiyyət fövqəladə vəziyyət elan edib.
Bundan başqa, Rusiyanın Nalçik şəhərində leysan və dolu yağıb, şəhər küçələrinin bir hissəsi su altında qalıb.
Həmçinin, Orenburq vilayətindən sonra Tomsk şəhərini su basmağa başlayıb.
“AzPolitika.info”
Short URL: https://www.cumhuriyyet.net/?p=200094
