UEFA “Arsenal”ı təxribatçı erməniyə görə cəzalandıracaq
UEFA Nəzarət, Etika və İntizam Komitəsi dekabrın 13-də İngiltərədə “Arsenal” və “Qarabağ” komandaları arasında keçirilmiş Avropa Liqasının qrup mərhələsinin VI tur matçında baş verənlərlə bağlı iş açıb.
Virtualaz.org bildirir ki, xəbəri qurumun rəsmi saytı yayıb.
Bildirilir ki, qitə futbol qurumu iki olayla əlaqədar tədbirlər görəcək. Bunlardan biri erməni azarkeşin qondarma DQR bayrağı ilə meydana girməsi, digəri isə görüşün nəzərdə tutulandan gec başlamasıdır.
Hər iki məsələ ilə bağlı UEFA-nın 2019-cu il fevralın 21-da keçiriləcək iclasında qərar veriləcək.
“Arsenal”ın azarkeşinin etdiyi hərəkətə görə cəzalandırılacağı gözlənilir.
Qeyd edək ki, görüş “Arsenal”ın 1:0 hesablı qələbəsi ilə yekunlaşıb.
Short URL: https://www.cumhuriyyet.net/?p=125566
