Nazir: “Zəngəzur dəhlizi Ermənistan üçün də vacibdir”
“Ermənistandan münasibətlərin normallaşması ilə bağlı bəzi müsbət mesajlar var. Biz bunları müsbət addımlar kimi görürük. Ermənistan və Azərbaycanın bu istiqamətdə irəliləməsi bütün region ölkələrinin marağındadır. Ermənistanın işğalçı və təcavüzkar siyasəti son 30 ildə Ermənistana fəlakətdən başqa heç nə gətirməyib. Ermənistan administrasiyası bunu anlamalı və düzgün nəticə çıxarmalıdır”.
Cumhuriyyet.az xəbər verir ki, bunu Azərbaycanın xarici işlər naziri Ceyhun Bayramov “Anadolu” agentliyinə müsahibəsində bildirib.
Azərbaycanın qərb vilayətləri ilə Naxçıvanı Ermənistan ərazisindən quru və dəmir yolu ilə birləşdirəcək Zəngəzur dəhlizi üzrə danışıqlara toxunan C.Bayramov bu məsələ ilə bağlı hələlik yekun nəticənin olmadığını, Ermənistanın müxtəlif bəhanələrlə onu uzatmaqda davam etdiyini söyləyib:
“Ermənistan regionda ən məhdud nəqliyyat vasitələrinə malik ölkədir və bu səbəbdən Zəngəzur dəhlizinin reallaşması regionun digər ölkələri kimi Ermənistan üçün də vacibdir”.
Short URL: https://www.cumhuriyyet.net/?p=176416