“Şərqi Zəngəzuru azad etməklə böyük su mənbələrinə yenə də qayıtmışıq”
“Burada mən suvarma ilə bağlı layihələri xüsusilə qeyd etmək istəyirəm. Azad edilmiş ərazilərdə həm böyük su anbarları və su kanalları, həm içməli su təchizatı nəzərdə tutulur – biz Şərqi Zəngəzuru azad etməklə böyük su mənbələrinə yenə də qayıtmışıq, onlar da işğal altında idi”.
Cumhuriyyet.az xəbər verir ki, bu barədə Prezident İlham Əliyev bu ilin altı ayının yekunlarına həsr olunan müşavirədəki nitqində bildirib.
Suvarma məsələlərinin böyük dərəcədə Kəlbəcər və Laçın su mənbələri hesabına təmin ediləcəyini söyləyən dövlət başçısı deyib:
“Bu yaxınlarda Kəlbəcər, Laçın rayonlarında olarkən mənə layihə təqdim edildi. Meliorasiya və Su Təsərrüfatı Səhmdar Cəmiyyəti tərəfindən içməli suyun Azərbaycanın Aran bölgəsinə qədər gətirib çatdırması layihəsi də var. Yəni, bu, içməli su ilə bağlı olan problemləri böyük dərəcədə həll edəcək. Ona görə bu layihələrə xüsusilə baxmaq lazımdır”.
Short URL: https://www.cumhuriyyet.net/?p=178592
