Almaniyada daşqın nəticəsində ölənlərin sayı 155 nəfərə yüksəlib
18 iyul 2021 08:30 (UTC +04:00)Almaniyanın qərbində daşqınlar nəticəsində ölənlərin sayı 155 nəfərə çatıb.
APA xəbər verir ki, bu barədə yerli polis məlumat yayıb.
“Bild” nəşrinə istinadən xəbər verilir ki, yalnız Reynland-Pfalz əyalətinin Arveiler bölgəsində 98 nəfər ölüb, 670 nəfər yaralanıb.
Daha əvvəl Şimali Reyn-Vestfaliyada azı 43 ölüm qeydə alınıb.
Təbii fəlakət körpülərin və yolların dağılmasına, elektrik xətlərinin qırılmasına səbəb olub.
Ölkənin sözügedən ərazisində fövqəladə vəziyyət elan edilib.
850 hərbçi fəlakətin nəticələrinin aradan qaldırılmasına cəlb olunubb
Almaniya kansleri Angela Merkelin bazar günü fəlakət bölgəsini ziyarət edəcəyi bildirilir.
Qeyd edək ki, daşqınlar Almaniya ilə yanaşı, Belçika və Hollandiyada da fəsadlar törədib.
Short URL: https://www.cumhuriyyet.net/?p=165219
