Lavrov gürcü xanım jurnalistləri təhqir etdi: “Siz xəstəsiniz…” VİDEO

Rusiya XİN rəhbəri Sergey Lavrov gürcü jurnalistləri yersiz davranışlarına görə təhqir edib.

Virtualaz.org bildirir ki, internetdə yayımlanan görüntülərdə Gürcüstan mətbuatı nümayəndələrinin, xüsusilə “İmedi TV” və “1TVGe”nin xanım jurnalistlərinin bir-birlərini itələmələri və Rusiya Xarici İşlər Nazirliyinin rəhbərinə sual verməyə çalışdıqları əks olunub.

Kadrlardan o da görünür ki, Lavrov ona sual verməyə çalışan xanım jurnalistləri “xəstə” adlandırır: “Siz nəyləsə… Siz xəstəsiniz, qızlar”.

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova öz Facebook səhifəsində yazıb ki, BMT-nin Cenevrədəki ofisində gürcü jurnalistlər Rusiya nümayəndə heyətinə hücum ediblər.

“BMT-nin Cenevrədəki ofisində gürcü jurnalistlər Rusiya nümayəndə heyətinə hücum ediblər. Getmək mümkün deyildi. Qışqırmaqla, itələşməklə nazirin yanına keçməyə cəhd edirdilər…Bilirsiniz nə lazım idi? İnanmaq mümkün deyil. Bir sual: Lavrov Tiflisə gələcəkmi?”, – deyə o vurğulayıb.

Zaxarova özündən fərqli olaraq, Lavrovun xəsarət almadığını bildirib.

M.Zaxarova qızların davranışını “acınacaqlı mənzərə” adlandırıb.

Short URL: https://www.cumhuriyyet.net/?p=143192