Çin və ABŞ ticarət danışıqlarını bərpa edir

25.07.2019 - 14:52

Çin və ABŞ arasında ticarət məsələlərinə dair danışıqların 12-ci mərhələsi iyulun 30-31-də Şanxayda keçiriləcək.

Bu barədə Çinin Kommersiya Nazirliyi məlumat yayıb.

Qeyd edək ki, Vaşinqtonla Pekin ticarət mübahisələrinin nizamlanması üzrə bir neçə ay danışıqlar aparıblar. Danışıqların sonuncu, 11-ci raundu may ayının əvvəlində ABŞ paytaxtında baş tutub. Lakin bundan sonra ikitərəfli məsləhətləşmələr dalana dirənib. ABŞ mayın 10-da Çindən idxal olunacaq məhsullara rüsumları növbəti dəfə – 10 faizdən 25 faizə qədər artırıb. Pekin isə buna cavab olaraq iyunun əvvəlindən ABŞ-dan idxal olunacaq 5 mindən çox məhsula rüsum tətbiq edib.

ABŞ Prezidenti Donald Tramp və Çin lideri Si Cinpinin iyunun 28-29-da Osaka şəhərində keçirilən G20 sammitində görüşü zamanı ticarət danışıqlarının bərpa olunması qərara alınmışdı. Donald Tramp 300 milyard dollar həcmində Çin məhsullarına yeni tariflər tətbiq etməməyi, həmçinin “Huawei” kompaniyasının fəaliyyətinə qoyduğu məhdudiyyətləri yumşaltmağı vəd edib.(AzərTAc)

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=130237

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Aprel 2024
BE ÇA Ç CA C Ş B
1234567
891011121314
15161718192021
22232425262728
2930