ATU-nun professoru: “Ev şəraitində müalicə alan koronavirus xəstələri infeksiya mənbəyidir”
Hazırda ən çox yoluxma ailədaxili baş verir.
Musavat.com xəbər verir ki, bunu Nazirlər Kabineti yanında Operativ Qərargahın brifinqində Tibb Universitetinin professoru Akif Qurbanov bildirib:
“Müalicə alanlar ailə üzlərinə qarşı diqqətli olmalıdırlar. Çünki onlar artıq yoluxublar və digərlərini qorumalıdırlar. Vətəndaşlar hələ də xəstəlik haqqında yetərincə məlumatlı deyillər. Ağciyərlərdə dəyişiklik yalnız xəstəliyin fəsadlaşması zamanı olur. İnsanlar KT (kompüter tomoqrafiyası) və “Rentgen” elətdirirlər, ağciyərlər normaldırsa, arxayınlaşırlar. Bu xəstəliyi aşkarlamır, virusu testlər təsdiq edir. Bəzən test analizi də neqativ ola bilər, insanlar simptomlar hiss edirlərsə, özlərini mütləq təcrid etməlidirlər. Bu gün ev şəraitində müalicə alan xəstələrimiz infeksiya mənbəyidir”.
Short URL: https://www.cumhuriyyet.net/?p=157935
